Гісторыя Канстанціна пачалася 9 жніўня 2020 года. 

Калі супрацоўнікі міліцыі пачалі затрымліваць людзей на плошчы невялікага горада, хлопец штурхнуў аднаго з іх. Тады ён не думаў, што адбылося нешта страшнае.

Праз 9 месяцаў

“12 мая 2021 года прыйшлі з ператрусам, падчас якога нічога асабліва важнага не знайшлі, але далі 10 сутак за «непадпарадкаванне пры ператрусе». 

На 10 суткі распачалі крымінальную справу”, – расказывае Канстанцін. 

Канстанцін быў затрыманы 17 чэрвеня 2021 года. Яго абвінавацілі па 3 артыкулах КК РБ і накіравалі ў калонію на ўмовах агульнага рэжыму на 3 гады.

На волі Канстанцін апынуўся 16 лютага 2024 года. Але пераслед не скончыўся. 

“Пастаянныя прыходы супрацоўнікаў [міліцыі] у 12-3 ночы, калі дома знаходзіцца маленькае дзіця. Мяне выклікалі ў суд па адміністрацыйнай справе. Тады я ўжо сабраўся і з’ехаў з краіны”.

Цяпер Канстанцін знаходзіцца ў вымушанай эміграцыі. Ён падаў дакументы на міжнародную абарону і пакуль не мае магчымасці прааваць. 

Вольны адзначае, што самым складаным падчас адаптацыі пасля вызвалення сталі фінансавая несамастойнасць і цалкам новае жыццё.

Пра адаптацыю

Канстанцін расказвае, што прызвычаіцца да жыцця ў новых умовах складана:

“Цалкам адаптавацца, мне здаецца, не так лёгка, і не ведаю колькі часу пойдзе на гэта. Усё ўпіраецца ў працу, на якую я не магу ўладкавацца, пакуль мне не далі абарону. Потым і будуць нейкія планы”.

Пра падтрымку

“Сваякі і сябры дапамагалі і калі я быў ў месцах пазбаўлення волі і пасля вызвалення. Падтрымлівалі фінансава, пакуль быў у Беларусі, і ўвесь час падбадзёрвалі. Я шмат чым абавязаны блізкім”, – узгадвае Вольны.

Вы можаце падтрымаць Канстанціна і іншых Вольных! 

Далучайся да ментар_ак Volnyja! 

Разам мы можам больш!

‍