Абмежаванні правоў у паўсядзённым жыцці Вольных
Як уплываюць абмежаванні правоў вольных палітвяз_ынак на іхняе паўсядзённае жыццё?
Крыху раней мы разам з праваабарончай арганізацыяй Human Constanta распавядалі пра віды абмежаванняў правоў асуджанных людзей пасля пакарання. Сёння таксама з Human Constanta разбіраемся, як гэтыя і іншыя абмежаванні ўплываюць на звычайнае жыццё вольных беларус_ак.
Як абмяжоўваюцца правы ў паўсядзённым жыцці Вольных?
Акрамя мераў прафілактычнага ўліку, прафілактычнага назірання і прафілактычнага нагляду былыя палітзняволеныя амаль кожны дзень сутыкаюцца з іншымі амбежаваннямі ў жыцці.
Мы сабралі асноўныя пытанні і зрабілі агляд рэальных забарон, складанасцяў і пагроз, з якімі жывуць палітвяз_ынкі пасля вызвалення.
Ці можна вызваліўшымся палітвяз_ынкам з’язджаць за мяжу?
Забарона на выезд за мяжу з'яўляецца дастаткова адвольнай мерай. Некаторым Вольным афармляюць забарону пры першым пасля вызвалення візіце ў АУС, некаторыя яе атрымліваюць пазней, а іншыя людзі з ёй не сутыкаюцца зусім.
Нават калі выезд за мяжу не абмежаваны, былыя асуджаныя трапляюць у розныя базы памежні_ц, праз што сутыкаюцца з узмоцненым надглядам і допытамі пры вяртанні у Беларусь.
Ці можна Вольным з’язджаць за мяжу?
Падставамі да забароны на выезд за мяжу могуць быць наступныя абставіны:
Праверыць афіцыйныя прычыны для забароны на выезд за мяжу можна на сайце МУС.
Ці можна НЕ адчыняць дзверы ўпаўнаважаным супрацоўні_цам падчас прафілактычных візітаў?
На практыцы візіты сілавікоў могуць адбывацца без папярэджання і ў любую гадзіну сутак, але не радзей, чым 1 раз на месяц.
Калі чалавек доўга не адчыняе дзверы, сілавікі пачынаюць даведвацца пра месцазнаходжанне Вольных ў суседзяў ці на працы, могуць нават скласці пратакол аб адміністрацыйным правапарушэнні.
! Часам пагражаюць завесці крымінальную справу ў выпадку, калі чалавек неаднаразова парушыць патрабаванні прафілактыкі. Ведайце: пры пэўнай колькасці адміністрацыйных правапарушэнняў можа наступіць крымінальная адказнасць.
Што правяраюць падчас прафілактычных візітаў?
Глядзяць гаджэты – ноўтбукі, смартфоны, планшэты і стацыянарныя камп’ютары – і шукаюць падпіскі на «экстрэмісцкія рэсурсы» або рэпосты з іх.
Сілавікі сочаць за тым, каб былыя палітвяз_ынкі не давалі інтэрв'ю ці каментароў незалежным СМІ, прызнаных «экстрэмісцкімі», аб падрабязнасцях умоў утрымання падчас адбыцця пакарання ці аб сваёй справе агулам.
Важна! Былыя палітвяз_ынкі знаходзяцца ў групе рызыкі паўторнага пераследу па палітычных матывах. Сілавікі праводзяць рэйды ў рэгіянальныя гарады, падчас якіх здзяйсняюць ператрусы, праверку тэлефонаў на наяўнасць ў іх «экстрэмізму», а пасля затрымліваюць і прыцягваюць да адказнасці. У першую чаргу – былых палітзняволеных.
Ці менш сочаць, калі ў Вольн_ай ёсць афіцыйная праца?
Перыядычнасць наведванняў скарачаецца, калі чалавек уладкоўваецца на працу. Але знайсці працу пасля судзімасці вельмі складана, а дзяржава можа прапанаваць толькі нізкакваліфікаваны від заробку.
Ці могуць заблакаваць банкаўскія рахункі Вольн_ай?
Некаторым людзям, якіх унеслі ў «экстрэмісцкі» ці «тэрарыстычны» пералік, сапраўды блакуюць ўсе рахункі і банкаўскія карты без мыгчымасці завесці новыя. Праз гэта Вольныя не могуць уладкавацца на легальную працу як у дзяржаўныя, так і ў прыватныя ўстановы, бо выплата зарплаты магчыма толькі пры наяўнасці рахунку. Са сваіх заблакаваных рахункаў людзі не могуць зняць назапашаныя ў мінулым грошы.
Апроч банкаўскіх рахункаў, блакаванню могуць падлягаць рахункі аператараў мабільнай сувязі.
Нягледзячы на ўсе абмежаванні мы застаемся побач.
Звяртайцеся па падтрымку да Volnyja і Human Constanta.
І беражыце сябе!
